Görmə prosesində göz bülluru əsas rollardan birini oynayır. Göz büllurunun işi işığı tor qişasında fokusa yığmaqdır, tor qişası isə bu işığı sinir impulslarına çevirir. Bu impulslar beyin vasitəsilə görmə surətlərinə çevirilir.
Göz büllurunu kiçik linzaya bənzətmək olar. Göz bülluru gənc insanlarda şəffaf və elastikdir və öz əyriliyini asan dəyişə bilir. Bu səbəbdən gənclər həm yaxını, həm də uzağı yaxşı görür. İnsan yaşlaşdıqca qocalma prosesi bütün orqanizmdə, o cümlədən gözlərdə artır. Belə ki, göz bülluru şəffaflığını və elastikliyini itirir, göz bülluru tam və ya qismən bulanır. Bu da ‘katarakta’ adlandırılır.
Göz büllurunun bulanması nəticəsində işığın gözün içinə düşməsində maneələr yaranır, bu da görmə qabiliyyətinin pozulmasına (görmə pisləşməsi, ikili görmə, parlaq işığa qarşı həssaslığın artması) gətirib çıxarır.
Vaxtında müdaxilə edilmədikdə katarakta korluğa səbəb ola bilər. Bu səbəbdən yaşı 40-dan yuxarı olan insanların müntəzəm olaraq (ildə ən az bir dəfə) oftalmoloqun profilaktik müayinəsindən keçməyi tövsiyyə edilir.
– Orqanizmin ümumi qocalması
– Şəkərli diabet
– Bəzi göz xəstəlikləri (məsələn, qlaukoma), irsi faktorlar, mübadilə pozulmaları.
– Göz travmaları (güclü zərbə, yanıq və s.).
– Nadir hallarda katarakta anadangəlmə olur. Bunun səbəbi irsiyyət və ya göz büllurun bətndaxili patologiyasıdır.
Profilim 
Filiallar
İstək siyahısı 
Səbət