Gözün ön qatı olan buynuz qişanın deformasiyası və işığın qeyri düzgün sındırılmasının nəticəsi olaraq, torlu qişada görüntünün aydın olmamasına gətirib çıxaran görmə qüsurudur. Bu görmə qüsurlarına və ya bulanıq görməyə gətirib çıxarır.
Astiqmatizm genetik mənşəli və ya anadangəlmə səbəblərdən ola bilər. Anadangəlmə olmaqla yanaşı buynuz qişanın dəyişikliyinə səbəb ola biləcək xəstəliklər, infeksiyalar və zədələr nəticəsində də əmələ gələ bilər. Astiqmatizmli insanlar baxdıqları nöqtədə şəkilləri dağılmış, kənarları uzanmış olaraq görə bilirlər. Astiqmatizmin meydana gəlməsinin daha bir səbəbi göz zərbəsi və ya göz əməliyyatı ola bilər.
Astiqmatizm miopiya kimi zamanla əhəmiyyətli dərəcədə artma və ya azalma göstərmir. Adətən eyni şəkildə qalır. Astiqmatizm özü iki qrupa bölünür.
Miopiya astigmatizm (astigmatizm və uzağı aydın görə bilməmək problemi) və Hipermetropiya astigmatizm (astigmatizm və yaxını aydın görə bilməmək problemi)
Sadə astiqmatizmdə təsvir iki xətlə bir-birinə perpendikulyar olan iki müxtəlif müstəvidə formalaşır, mürəkkəb astiqmatizmdə isə iki perpendikulyar meridianların yerinə bir çox fokus xətləri mövcuddur. Beləliklə, mürəkkəb astiqmatizmdə görmə itiliyi çox azalır. Eynəklə bunu düzəltmək mümkün deyil.
Astiqmatizmin əlamətləri hər kəsdə fərqlənsə də, astiqmatizmi olan insanların adətən uzaq və ya yaxın görmələri bulanıq və ya kölgəli ola bilər. Astiqmatizmi olan bəzi insanlarda əlamətlər olmaya bilər. Görmələri heçbir vaxt aydın olmur.
Profilim 
Filiallar
İstək siyahısı 
Səbət